挺豪之旅(24-04-2007)

今日訓醒之後食o的o野我o地就搭捷運去華視，去到先知原來就係上次 Jerry 錄 "小燕有約" o個度，我o地只得10個粉絲，等齊人後工作人員帶我o地上到錄影廠門口等，不過由於太少粉絲，所以我o地只可以o係後面睇錄影，唔會有得坐囉；Julie利用少少時間完成左一個薄o的o既 file 時，就夠鐘入廠喇，呢個節目叫 "天才衝衝衝"，係一個由藝人參加o既表演比賽節目，今次當然係跳舞比賽，因為 Vanness 同佢兩個 dancer 係評判，而主持係曾國城同徐乃麟，一出場梗係 Vanness 表演 "Never Let You Go" 啦，跟住就開始比賽，第一組係由2個男仔扮Vanness 同安七弦表演 "Scandal", 扮 Vanness o個個真係好似樣o架，而且跳得唔錯，到第二組係由一個女仔跳o的好sexy o既舞，佢著條大露背一字膊連身超短裙，o個兩個鹹濕主持睇到流o西口水，到第3個女仔好明顯扮李玟跳 "Hip Hop Tonight"，佢跳得唔好，仲要扮同 Vanness 好有互動咁走去逗 Vanness 個下巴，跟住佢跳完之後 Vanness o地比完 comment，佢又叫主持比佢試多一次，今次又走埋 Vanness 度跳，Vanness 諗住比番o的互動佢，想起身跟佢跳，點知個女仔居然一手襟 Vanness 個頭等佢坐低，攪到 Vanness 鬼咁尷尬，到最後又話好想學 Vanness o既舞步，立即擺左一個好鬼引人o既pose 叫 Vanness 教佢，Vanness 梗係唔會自己落手啦，佢只係講左少少，再由其中一個dancer 做o的動作比佢睇就算喇；最後結果梗係o個兩個男仔贏啦，Julie 問我認唔認得o個兩個人，原來就係做花樣亞泉o個兩個成日掛住識女仔o既同學，其中爆炸頭o個個就拉直左o的頭髮，所以我唔認得佢囉；錄左1個鐘就錄完，o係 Vanness 行出o黎o個時我o地就遞個 file 比佢，佢當然即刻收啦，跟住佢就入左獨立化粧間，我o地亦都要離開，跟住我o地行左去對面o個間便利店離遠咁目送 Vanness 搭車走，亦都係今次旅程最後見佢o既一次~~

我o地搭返捷運去西門町，見到有一間甜品屋有我之前o係台灣電視節目有介紹過o既雪花冰，梗係要去試o下啦，我叫左個咖啡味，Julie叫左個綠茶味，入口好軟綿綿好香咖啡味，我試左少少綠茶味，都好好味o架，食完之後我o地o係西門町行左一陣，影左o的明星廣告相。

跟住返到飯店樓下o個間cafe，之前幾次o黎台灣都話要試，點知次次都冇機會，今次訂左兩個pizza套餐，好平咋，仲可以送埋上房，點知超超超好味呀，好多芝士呀，大大個pizza連埋咁大杯綠茶都係台幣85蚊咋，好滿足呀~~~~

挺豪之旅(23-04-2007)

原本諗住今日去苗栗市o既草莓園，點知一落街就落大雨，個天都算比臉喇，最後我o地放棄左，只係行o下街食o下o野咁，又比我o地發現到一間比光南大批發同美華泰更便宜o既舖頭，我o地梗係入去掃貨啦~~~


Gee同亞茵今晚就走喇，我o地攞埋相，file 同埋兩本日本演唱會寫真入機場接 Vanness 機，到左之後先去搵台灣觀光局o既宣傳單，梗係由F4做封面啦，我o地都攞左好多，跟住搵左一個電話亭做file，當我o地剛剛做完走去出閘位電視前面坐低, 就收到 Gee o既電話，佢話佢o地剛到港就收到消息話 Vanness o係廣州趕唔切搭飛機返o黎，唔係卦~~~~~~ 睇o下個 Arrival Board , 仲有2班 CX 機，點都要等埋佢o架，如果佢今晚趕唔到，咁我o地聽朝咪要再入過o黎？？？Julie o係到欣賞我o地做o個個 file，我就o係到傻更更望住個電視，突然見到有個靚仔行出o黎，原來係 Vanness, 我嚇到尖叫，跟住叫 Julie 快o的行，我已經跑左出去，Vanness行得好慢，我慢慢行過去叫佢，諗住遞個 file 比佢，周生用手勢拒絕，跟住講左一句話，我又聽唔清楚佢講乜，行多兩步之後我再遞多一次，周生再講多一次，原來佢話比佢o地去左 toilet 先喎.....


咁我o地一個攞住個 file，一個攞住o個兩本寫真同埋支簽名筆企o係 toilet 門口等佢o地，因為頭先比周生拒絕過，Vanness又帶住帽同黑超，又冇出過聲，好驚呀，等到 Vanness 行出o黎 fing手上面o既水之後，我再遞多一次 file 比佢，另外再遞多一本有介紹 Mastermind o既雜誌比佢，跟住我o地兩個就走開兩步跟住佢行，Vanness 行左兩步突然停低轉身問我o地 "你不是要簽名嗎？" 我o地愕o西然，然後立即遞本寫真比佢，佢簽緊第一本時我同佢講 "我是Annie", 佢o係度猶疑，跟住遞左比周生，再簽第二本時，我再講 "她是Julie", 佢就好清楚咁簽左上去，跟住佢攞番第一本，周生就o係度串我個名 ANNIE 比佢聽，佢先簽埋上去，跟住我再問佢可以同我o地影相嗎？周生話影相就唔好喇，原來佢o地架車已經到左，我o地送佢o地到門口就大聲同佢講拜拜，佢都有停低同我o地講番拜拜.......





我o地行番入機場，實在太興奮喇，開心到唔識行，立即打返電話比 Gee 話佢聽我o地接到 Vanness 喇，嚇親佢o地，真係冇諗過明明接唔到機，佢可以突然出現，而且得我o地兩個粉絲接佢機，而佢又主動幫我o地簽名，都未興奮完，Gee 再打電話比我o地話聽日有一個錄影，已經幫我o地報左名喇，唔係咁好運呀？ 原本諗住今晚係返香港前最後一次見佢，好o野~~~~




(原來我突然見到 Vanness 出現尖叫時，Julie 以為我講笑整估佢喎，後尾見到我跑出去，再真係見到 Vanness 時先跟住走過o黎咋，o係咁緊張o既時間，我點會仲識得整估人呀~~~~ )


我o地搭返巴士返到西門町，見到誠品116門口有一個mia o既廣告，有兩個 Jerry o既人型紙牌o係度，梗係影番張相先啦，跟住買埋o野食返房慶祝，

今日真係好開心呀~~~~~

挺豪之旅(22-04-2007)

一早叫醒 Ah Li 起身趕去台大綜合體育館去抽 Jerry 見面會o既飛，我o地再訓多一陣都起身，出台北曬相，跟住搵左一間麵店食o野，叫左一個大碗o既凈餃子，點知有成16隻大餃子，點都冇可能食得o西，跟住就搭的士趕去會場，去到之後見到好多臨時攤檔賣4仔o既周邊商品，碟，mia 等等，勁多日本人，我o地換左飛之後，就走返去大頭貼o既攤位，諗住投訴佢o地，點知一開口佢就話可以依家影番，咁我o地立即整啦，都整左成20分鐘，差唔多開場先跑過去搵入口

~~~ 大頭貼機 ~~~

~~~ mia 攤檔 ~~~

經過正門o個時見到國忠，我o地好興奮咁跑埋去同佢打招呼，我o地問佢收唔收到舊年用速遞送比佢o既信，佢笑o西口咁話寄去凱渥o個封~~~~ 佢收到喇，即係佢記得我o地兩個啦，好開心呀；已經聽到入面o的尖叫聲，我o地立即衝入去，我o地o既位差唔多o係山頂，咁不如直接走上山頂位置，起碼舉相都唔會遮到其他人，真係好多人呀，開始時佢o地唱左一隻歌，跟住由陶子做主持，然後叫佢o地介紹左一o的台灣o既名勝，再抽o的粉絲出o黎同佢o地玩o的遊戲，跟住再唱走o西音o既 "流星雨"，最後抽左4個幸運者，獎品係10月份o既來回機票加酒

店，跟住就完喇，都幾悶o下，

~~~ F4見面會 ~~~

跟住我o地搭的士去見面會o既場地，當然係先換飛，個位都幾前最後有差唔多成千人入左o黎，Ah Li 抽唔到 Jerry 見面會o既飛，所以佢都過o黎博到入埋o黎，當然係坐o係最後o既位置啦，到6點鐘到開始播放 Vanness o係日本演唱會o既片段，同埋新歌MV, 跟住MC 介紹Vanness 出場，傾左一陣之後再播放 製作 MV 花絮，最後 Vanness 突然宣佈會跟全場粉絲逐一上臺同佢 GIVE ME FIVE ，嘩~~~~ 完全冇諗過會有得同佢近距離接觸呀，我簡直開心到暈，因為知佢要趕飛機，所以好驚比唔到佢，完場前我走左去周生到比左個 file 搭佢幫我比 Vanness , 7點多就完場喇。

~~~ Vanness MV 首播會 ~~~

之後我o地會合番 Gee 同亞茵一齊去食都甩, Ah Li 就走左去 Jerry 見面會o既場地，諗住等佢出入，點知竟然因為有日本人 no show，比佢入到去喎，真係超好彩；我o地就去誠品行一陣等齊人先，跟住再去"上闔屋"食宵夜自助餐，o係入面撞到其他紛絲，我o地就博命食同博命笑，差唔多食到12點就搭的士返飯店。

返到去見唔到小陳，而係太子爺當更，佢同我o地講咁夜唔可以有夜訪，問Ah Li幾時走，我o地就話佢攞完o野就走，跟住好驚咁過左一晚，好彩佢冇上到o黎咋，其實 Ah Li 要趕早機，7點幾佢就會走喇，好彩好彩~~~

挺豪之旅(21-04-2007)--(2)

差唔多5點幾到新竹現場，已經有成百人o既度排緊隊，我o地梗係去方便左先啦，唔知幾點先可以再行開；我o地搵到個有利位置坐低，但係因天氣關係，o係西門町中暑o個個日本女仔又暈左，見到都戥佢辛苦呀~~~

終於都等到 Vanness 到達，當然一開始就表演多一次 "Never Let You Go" 啦，由於我o地o係西門町太多記者，而且個臺又太高，所以影唔到視頻，但係呢場個MC一早已經叫o的粉絲坐低，而表演開始時又冇企o西起身，我o地先成功影到咋，希望大家睇o西成個視頻啦，係我忍住唔叫先影到o架~~~

好快又開始簽名會喇，由於人太多o既關係，今次話明一定唔可以簽埋我o地個名，上到臺我o地都有嘗試，但係見到 Vanness 苦笑，咁都冇法，簽完落翻臺之後我o地企o係佢o架保母車附近o既位繼續睇，因為要比 file佢，所以好緊張咁睇位，我都係o係佢上車o個一步，佢見到個 file ，反手收左咋，好彩~~ 跟住即刻搭翻巴士返西門町，十點半我o地已經去到大頭貼o個間舖，點知問o個度o的職員，佢o地話已經搬走左部機喎，唔係卦，張coupon話明即日先可以用o架，我o地兩個想殺人，但係又真係唔關當夜班o個o的職員事，唯有第二朝先落o黎投訴!!!

我o地先返飯店放低o西o的o野先，再等埋Gee同亞茵一齊搵地方食o野，o個時已經成12點，後尾搵到間上樓餐廳試試，由於我o地唔係太餓，所以我o地四個人share左2個宵夜套餐，不過我o地笑多過食，後尾有4個男仔坐正o係我o地對面，好似相睇咁，而我o地又真係笑到癲，成間餐廳o既客都望住我o地，我o地頂唔順都係食完就走，返到飯店先再傾好過，我o地仲要等埋尋晚先決定訂機票o黎o既Ah Li 到，結果等到3點幾先到，佢一入到房就好激氣咁話o係機場唔見左台幣4千幾蚊，又打電話去巴士公司投訴，好彩佢香港個銀包冇唔見到，結果攪到5點幾，我叫Ah Li陪我落便利店買埋報紙先返上o黎訓，又成6點先訓到喇~~~

挺豪之旅(21-04-2007)--(1)

10點幾已經比人叫醒落去，唔知幾點會派號碼，立即起身落去，嘩~~~ 估唔到有咁多人排隊呀，不過又曬又熱，Gee同亞茵排住先，見到有日本人兩母女同時中暑，又見到有韓國人買冰降溫，咁o既情況，我同Julie走去買o的o野飲同埋買定冰，都有些少幫助，等到差唔多2點幾，又係Daniel做MC，終於等到Vanness出場，當然先表演主打歌 "Never Let You Go" ，尋日o係記者會睇得唔清楚，今日企咁前，終於睇到喇，跳得好型呀，估唔到嘉賓係蕭亞軒，點解又唔係 Jerry o架~~ 仲要玩搽防曬油...... 等到做完o西訪問，終於可以開始簽名喇，本來唔比寫名o架，我o地靜雞雞寫定post it，收埋o係我o地張大相後面，上到臺先show 比佢睇，佢都好快咁簽左我個名，好開心呀~~~



~~ 曬到暈，連個banner都咁sexy，唔怪得有人中暑 ~~

~~ 見到有咁多唔同國家o既粉絲，唔笑就奇 ~~

~~ 咁o既表情，係 enjoy 定係 無福銷受 呢~~~

由於買o西兩個版本o既碟，會送一張有Vanness個樣o既大頭貼coupon，但係只會o係活動時先會同時擺放，所以我o地即刻走過去睇睇，當我o地去到o個時見到好多人o係度排緊隊，搵o的經理問部機會留到幾點，因為我o地趕住落新竹簽名會，再返西門町驚趕唔切，佢o地話11點，聽見咁講，我o地好放心咁立即會合其他粉絲搭旅遊巴落新竹，o係巴士上面佢o地不停咁播住Vanness隻新碟，我o地都係第一次聽o西成隻碟o的歌咋~~~

~~~ 真係簽左我o地個名o架，最衰支筆無乜色啦 ~~~

挺豪之旅(20-04-2007)

一早收到電話通知我o地可以去到今日o係三立o既錄影，原本諗住等Pinky追吳尊到邊度，可以過去join佢，咁依家梗係揀去錄影啦，我o地食左少少o野之後就飛的士去到三立，因為我o地係好後期先報到名，而且人數比原本多，所以我o地要等其他人入o西去先，o係等o既時候，Vanness竟然o係我身邊經過行入錄影廠，我梗係立即叫聲佢啦，好開心呀，點知到我o地入去時竟然要坐o係錄影廠o既正面，即係背住主持同Vanness, 亦即係個錄影機會不停影住我o地，我仲以為戴左帽應該冇問題添，後來電視台職員問我o地邊個想玩遊戲o既舉手，我梗係第一時間舉手啦，結果我同亞茵被編排搶答遊戲，贏左o個個可以同Vanness影合照呀，亞茵話會讓我，到玩o個時我緊張到癲，主持問Vanness o既身高，但係我太緊張慢左襟鐘，亞茵先答，點知佢又係太緊張答左174，跟住比主持人笑，跟住比我補答，我居然答左183，比Vanness笑我答錯團體，嘩~~~ 我簡直瘀到爆啦，跟住再比亞茵補答，今次梗係冇答錯啦，我只可以好瘀咁同Vanness握手就返埋位坐，



~~同其他國家o既粉絲合照~~







~~勉強叫做同Vanness o既合照~~


成個錄影Vanness都玩得好開心，大概錄左個半鐘到就錄完，我o地諗住仲咁早，不如搵Pinky睇o下佢o係邊，點知就失去聯絡，我o地唯有先返飯店。

返到去等左一陣都係冇Pinky消息，咁我o地兵分兩路, Gee同亞茵行西門町，我o地就去新光華買日劇同埋去崇光買埋綠茶粉，返到西門町再會合番佢o地兩個去食貴族牛扒，佢o個到o的set 大概台幣300一set，除左main course, 湯，沙律，甜品，雪糕，飲品係任添o既，但係因為太肚餓，唔記得影番o的相出o黎添~~~


食完飯走去簽名會場地睇睇，點知已經要開始排隊，我o地返飯店放低o的o野，再出番去幫手排到3點先返去，差唔多天光先訓~~~

挺豪之旅(19-04-2007)--(2)

記者會完左之後，我o地見時間尚早，不如就提早去三芝，我o地先搭捷運去到淡水，買左少少o野食就轉搭巴士去三芝，車程大概45分鐘，去到就問路人邊度有櫻花睇，點知o個個人用個好奇怪o既眼神望住我o地，跟住指比我o地睇點行條路，不過就同我o地講依家已經過o西開櫻花o既時間，但係都可以試o下行上去睇o下仲有冇得睇喎，咁我o地點都要行上去o架，行到一半見唔對路，唯有返轉頭，因為都差唔多天黑，去到巴士站見到有個男女共用兼有兩個入口o既公廁，但係咁急都要去，叫左Julie幫我o係門口睇水，當我o係另外一個門口行番出o黎搵Julie o既時候，居然比我見到櫻花，雖然只係得o個少少，但係都比上年多，我唔理咁多立即爬左上個圍欄上面影相，我可以幻想到開滿櫻花o個時有幾靚~~~

跟住我o地搭巴士返淡水，好耐冇o黎，所以行左一陣，食o下o野，影o下相，後o黎經過海邊時見到好多畫人像漫畫o既攤檔，其中一檔掛左好多幅畫明星o既畫，最吸引我o既係一幅Jerry同叉玲o既漫畫，好似樣同埋好得意，所以問o下價錢，要台幣250一幅，我忍唔住要試o下，個畫家一開始畫o個時竟然要計時，我第一次比人畫，所以好緊張，佢o地幾個係咁引我笑，結果只係用左8分鐘就完成，當我睇到時覺得"嘩，好似呀，我有咁cute就好喇~~"，佢o地幾個都忍唔住要畫埋一份，我o地又o係度勁攪笑，結果圍觀o既人就越o黎越多，而且開始排隊等，我諗要收番個畫家o既宣傳費先得喇~~~

~~亞茵/Gee/Julie/我~~

因為順路o既關係，我o地梗係要去士林啦，行經其中一個攤檔賣一個好特別o既薯片，係原隻薯仔炸，仲有幾個唔同o既味粉加上去，好惹味兼好得意，最抵死o既係呢個攤檔個名叫"黃色巨塔"，跟住再買左豪大大雞扒同其他o野食返去飯店開餐~~~~

挺豪之旅(19-04-2007)--(1)

去到中正機場，等行李都等左半個鐘，出到閘搵到亞茵時佢同我o地講當知道香港o的機delay, 所有巴士賣飛o的人就收工，所以我o地已經無巴士搭，好彩撞到另外一個粉絲，再加一個傻傻o地o既澳門女人，五個人搵到o架白牌車，同司機講價到1000台幣送我o地到飯店門口，除左個澳門女人不停口問我o地佢個手提係唔係壞左之外，我o地都可以平平安安咁到達金帥~~~

好彩又係小陳當通宵班，咁耐冇見佢都仲認得我同Julie，我o地3個人一齊上房都無問過我o地半句；上到房已經4點幾，間房仲大個上兩次，多左一張梳化床同埋一張大班椅加墊腳凳，仲有個小露臺~~~，攪掂o西o的o野上床已經天光，點都要瞌一陣。

差唔多9點我o地已經要起身落街，因為另外一個新朋友亞Gee搭早機過o黎，我o地搵左一間樓上餐廳坐低叫左o野食之後，我o地3個人輪流落街去兌換台幣，出電話card，接亞Gee，o的waiter用o的好奇怪o既眼光望住我o地，可能佢o地諗緊我o地係唔係想食霸王餐~~~

跟住我o地就搭的士去六福皇宮會合其他粉絲，好耐都未見過o既8個聯軍粉絲，大家都好興奮咁準備入場參加 VANNESS o既 "V.DUBB 記者會" ，原來個場又係 JERRY 開 "第一次"記者會時同一個 function room , 連o的 setting 都一樣，不過上次粉絲有位坐，我o地就要企囉，諗都諗到我實比人遮住睇唔到啦; VANNESS 一出場就表演左 "NEVER LET YOU GO" ，跟住播左佢o的親友o既祝賀片段，入面有仔仔，其他明星同埋佢屋企人，Julie睇到佢眼濕濕，而上次JERRY o既嘉賓係VANNESS同仔仔，我諗住今次會唔會係JERRY, 點知係王力宏，佢送左一支釀左水鑽 "V.DUBB" 字樣o既槍比 VANNESS !!

見唔到JERRY, 有o的失望添~~~

挺豪之旅(18-04-2007)

o個晚應該搭23:50中華飛機，但係以我緊張o既性格，居然可以o係5點半先放工，趕埋返屋企，食埋飯，沖埋涼先至搭機場巴士去機場，車程係一個半鐘，可以o係20:30就去到機場，我個新朋友亞茵搭22:10都未到，結果係我o地o的機全部都delay, 足足o係機場等左4個幾鐘，諗番都覺得自己有o的白痴~~~~

Cool Slideshows

靚靚小花束~~~

下晝走左去搵dayday同亞四，陪佢o地食完lunch之後上左佢公司，多謝佢o地收留左我，等到放工時我公司同事蚊蚊約我行街食飯，去到銅鑼灣見到佢時，佢話買左呢束咁cute o既小花束比我，叫我唔好咁唔開心呀!!!

我好開心同感動呀，諗唔到佢咁有心，呢段時間真係好多謝各方好友o既關心~~~~

海港城~~~

今朝返工途中覺得唔係好舒服兼唔開心，突然決定返公司請兩日大假好好咁休息，同埋返舊公司整改少少保險o既o野，約左幾個舊同事去澳門茶餐廳食左個超豐富o既早餐，之後先上去舊公司，攪掂o西之後落到樓下，見到AnnaSui做緊roadshow，好靚呀，跟住行到出去又見到個好得意o既萬聖節裝飾，忍唔住影低佢比大家睇~~~~

Sleepy Cute Kitten

Sweet Tired Cat

好鬼得意o既眼訓貓仔~~~

黃貫中演唱會~~~超悶

今晚我朋友又比左兩張亞Paul o既演唱會飛比我，不過冇上次咁正坐第一行，今次坐第17行，開3面臺，當然係坐唔滿啦，不過o黎睇演唱會o既大部份都係o的好rock打扮o既人，我都諗住可以乘機大叫o下發洩o下情緒，一開場見到下面o的觀眾已經擁o西去臺前，咁開場又幾特別o既，每個樂手著住西裝行出o黎扮打卡收工，而今晚o既鼓手係恭碩良，最後出場o既亞Paul戴住眼鏡出o黎，駛唔駛咁斯文呀？ 唱左幾隻慢歌，死啦，都未聽過o既，跟住就播左一段由軟硬扮rock友o既片段，係成晚我最覺得好睇o既一part，跟住亞Paul換衫出o黎再唱左幾隻快少少o既歌，同埋兩首國語歌，又係未聽過o既，跟住o既嘉賓係Solar，唱左"海嘯"同埋一隻英文歌，係我今晚第一次聽到一隻我識o既歌，跟住佢再出場唱左幾隻o的音樂好夠rock o既歌，但係我都係未聽過，反而o係度見到o個o的rock友打扮o既觀眾睇到係又un，唔係又un，覺得好好笑，跟住聽到亞Paul話呢隻係最後一隻歌，唔係卦，一隻Beyond o既歌都唔唱，跟住就梗係等encore啦，我已經頂唔順同我朋友一齊走~~

從來未試過睇成晚演唱會，一隻歌都唔識，仲要未睇完演唱會就走，恕我唔識欣賞，好彩唔駛比錢睇咋，下次真係咪預我~~~~

Super Vision Eye Formula

轉左新部門之後，成日對住部電腦，對眼越o黎越辛苦，忍唔住買左藍梅素食，都唔知得唔得o架，後尾同我表姐講開，佢話我表姊夫個家姐o係加拿大帶左呢隻藍梅素返o黎，比起香港食開o個o的好好多，而且咁大樽90粒裝都係十幾蚊加幣，可以食3個月，佢話最好邊個去開加拿大可以幫手買返10樽8樽返o黎看o下門口，當我知道時已經太遲喇，因為salad 同老爺剛剛o係o個度返o黎，下次邊個會去可以幫o下我嗎？？？

網址：www.webbernaturals.com

超抵下午茶餐~~~

藍灣半島有間叫旺旺o既西餐廳，平時都有去食o下晚飯，自從一年前發現佢有超平下午茶餐，而且係去到6:30pm，所以有時準時放工，我都會趕返去食個tea set，佢除左一般o既下午茶menu，仲有o的好特別o既set，例如蒜蓉炒磨菇配多士加薯餅，羅宋湯細通粉，三文魚炒蛋加鮮果鮮奶脆片，等等.... 呢個超巨型o既熱狗，我都係第一次叫，個麵包係有烘過，條熱狗腸同司華力腸一樣咁大條，估唔到咁好味，咁o既份量，連埋杯飲品，只需要$13- ，而且唔駛收加一，抵到咁，有乜辦法我唔想準時放工飛返去HIGH 返個TEA呀~~~~

DD新寵~~

自從帶左呢隻史迪仔返o黎，估唔到DD係最鍾意o既玩具，佢成隻訓左上去，好鬼攪笑o架，最衰影唔到佢成隻扒左上去訓覺個樣啦~~~~

Cutie Stitch

My friend and me go to Kwai Chung Centre on Saturday. She likes the cutie accessories for Little Twin Star and Hello Kitty. When she came in a toy shop to search something, she sudden ask me to see this Stitch. This is a cusion, it looks cutie and very comfortable. The price only HK$35- This is the last one, so I brought it immediately.

Althought it was made it China, but the quality was quiet good~~~

Report of Body Check

SCOT/AST：20 IU/L 20 U/L
SGPT/ALT: 14 IU/L 14 U/L

Triglycerides: 0.9 mmol/L 79 mg/dL
Cholesterol: 4.8 mmol/L 185 mg/dL

Alpha fetoprotein: 3.2 mg/mL

The result showing me is NORMAL.

But I feel my stomach still not comfortable and my doctor ask me to eat the stomach medicine. If I still feeling not good, he advise I need to have a checking for stomach at hospital.

Hope I feel better~~~~