豆豆

豆豆就好鍾意影相，睇o下佢o的post幾靚!! 重有佢張黃
帝椅呀，係唔係好舒服呢~~~~

Wasabi

好難先可以影到Wasabi，只要我一舉起手機，佢就立即行開，如果唔係我表姐抱住佢，我都影唔到呢張正面相，妳o地睇o下佢個樣幾唔順氣~~~~

豆豆 & Wasabi

Wasabi成日要搵豆豆個petpet當枕頭，睇o下佢枕得幾舒服~~

年初二入西貢拜年

自從我姑媽走左之後，已經差唔多半年未見過我細表姐Irene, 今晚約左去佢屋企食飯，順便探o下我隻約瑟女"豆豆"同埋我隻史立莎孫女"Wasabi" ~~

估唔到可以唱咁耐

Julie舊細Wendy約埋我同亞Li出o黎唱K, 而Julie又帶埋佢兒甥仔o黎，只可以唱3個鐘，心諗一定又貴又唱得短時間，但係一路冇崔我o地走，而且有buffet食，但係就好少款式，成晚好似側田同衛蘭演唱會咁，直到Wendy話要走先，我o地先唱o下o的舊歌，結果我o地唱到3點幾先走，問過o的職員，佢o地話冇人等o既話可以唱到5點9喎~~

Julieo個兒甥似唔似 s.h.e. o既 Ella 呀？

年初一 恭喜大家都發財~~~~

3點幾同亞四去行年宵，因為我搭o個o架巴士改左站，所以今次由銅鑼灣入口開始行。

一入到去就見到安德尊，(舊年同亞四行年宵時都見到佢)，咁大地方都可以連續兩年撞到佢，都咪話唔奇。

第一站我先買左一枝細桃花，由$80講價講到$50成交，都幾抵，而且比上年o個支重要大支o的，多o的桃花添，之後我諗住行完其他檔口再返轉頭買其他花，點知成4點都重咁鬼多人，重要突然落大雨，好無奈咁行左去CEO附近o個條天橋底避雨，等左成10分鐘都重係咁大雨，我o地唯有走去澳門茶餐廳食左個超飽o既開年早餐(係個waiter o既講法)，跟住就返屋企。

返到屋企先發現冇咁大個花樽，結果搵到個2公升o既可樂樽o黎擺支桃花，希望今年可以行好o的o既桃花運啦(即係見多o的亞旭呀)~~~~

Pinky新買o既芝娃娃

Pinky話佢係bb仔，好得意呀!!!

當然，我隻DD都唔會差啦~~~~~~~

奶奶送比我o既聖誕禮物

奶奶，呢件係日本F4展覽會o既T-Shirt, 我諗香港都買唔到，好靚呀~~~~




重有呢支Playboy筆，都唔知點多謝奶奶好~~

亞四送比我o既日本手信

係好靚o既紫色漆皮card holder，亞四，多謝o西呀~~~

走鐵板

今晚約左亞貴去籃灣半島一間叫"拾柒茶餐廳"食飯，我叫左個set叫佢幫我用碟上，佢o地居然o係張單度打左"走鐵板" ？？？

走牛，走豬，走奶，走甜我都聽唔少，走鐵板都係第一次，唔知下次再去叫o野食會唔會走碗，走碟，走叉~~~~~~~~

DD o係最凍o個幾日

DD o係最凍o個幾日除左有o野食o既時候，其他時間都藏身於羽絨褸同埋挖毛褸o既中間，睇見佢個可憐樣就好想笑喇~~~~

新公司開工

2006年一月3日終於過到新公司返工喇，我有兩個位，一個跟新Department Head坐，一個係Reception, 呢度好大，而我兩個位o既相距差唔多兩分鐘路程，一日最少要行15次，而家出入都好唔方便，我諗我唔駛再去做gym喇；不過最驚o既係而家我o既工作等同之前o既四分一，本來公司開閘時間係9:30am-4:00pm，但係每日都唔可以準時落閘，最快今日都成4:40pm, 所以新公司o個邊o的同事因為要趕住埋數，唔可以等埋我返位先教我做o野，而且呢度又唔鍾意o的人準時放工，但係我又冇o野做，都要等到6:30pm過後先敢走，真羅命!!!!

呢張相係走入我o地pantry影o架，即係麗嘉酒店o既泳池，希望有機會見到JERRYo係度游水啦~~~

比我亞HEAD玩死~~

呢幾日臨近搬寫字樓，大部分同事都要開OT, 星期四朝早我亞HEAD通知我呢兩日都要OT幫手碎紙， 除左我，重有叫一個temp同埋另外一個女同事幫手，點知都放工o個時得一疊紙(約200張)要碎，我唔明點解要3個人做，後尾就叫我o地6點半就可以走；到星期五，由於呢日係UFJ o既最後一日，所以落左閘之後要pack好自己個位o的o野，真係好多o野做，到放工時又叫我幫手碎紙，但係個temp係最後一日，所以唔比佢幫手，咁我咪自己一個做囉，點知佢o地居然推左3棟我似我個人咁高o既紙叫我碎左佢，而o個部碎紙機每次只可以碎兩張紙，我就係咁樣企o係到碎紙喇，結果到9點幾時我亞Head就叫我唔好做，可以走喇，但係只係碎左一棟紙，咁我就問佢星期六駛唔駛再OT，佢話唔駛，咁我咪好放心咁返屋企；到今朝8點幾時竟然收到幾個同事打電話比我叫我返工，我心諗唔係卦~~，但係我到立即梳洗，等緊巴士時發現原來我亞Head打過電話比我，咁我咪覆佢，話佢聽我等緊巴士返o黎，佢問番我自己pack左幾多o野，我話一箱，跟住佢話原本想叫我返去unpack，不過妳得一箱o野，等我幫妳攪掂箱o野啦，妳唔駛返喇，我問佢唔係要返o黎碎紙o羊，佢話唔係喎，好彩我未上巴士，就係咁，我只好去食個早餐返屋企再訓過啦~~~~~~~~~~~~~~~~~