年初一 恭喜大家都發財~~~~

3點幾同亞四去行年宵，因為我搭o個o架巴士改左站，所以今次由銅鑼灣入口開始行。

一入到去就見到安德尊，(舊年同亞四行年宵時都見到佢)，咁大地方都可以連續兩年撞到佢，都咪話唔奇。

第一站我先買左一枝細桃花，由$80講價講到$50成交，都幾抵，而且比上年o個支重要大支o的，多o的桃花添，之後我諗住行完其他檔口再返轉頭買其他花，點知成4點都重咁鬼多人，重要突然落大雨，好無奈咁行左去CEO附近o個條天橋底避雨，等左成10分鐘都重係咁大雨，我o地唯有走去澳門茶餐廳食左個超飽o既開年早餐(係個waiter o既講法)，跟住就返屋企。

返到屋企先發現冇咁大個花樽，結果搵到個2公升o既可樂樽o黎擺支桃花，希望今年可以行好o的o既桃花運啦(即係見多o的亞旭呀)~~~~