黑仔成咁，會唔會反彈o架？？？

今朝由返工黑到返屋企，首先因為Jerry o既關係，想清左o的假同Julie Hui 走一轉台北，尋晚諗左成晚，check o西機票價錢，請兩日半假就可以成行，但係其中一日撞左同事Sandy o既假期(我放假時，Sandy或Margaret其中一個要幫頂住reception)，同我亞head Maria試o下申請，點知我一講完佢諗都唔諗就band左我，佢話Sandy要同個女睇醫生，我又冇話過要同Sandy調假，我繼續低聲下氣問佢可唔可以問o下Manager Phillip，佢話妳鍾意咪等佢返o黎問o下囉，不過佢一定唔批囉，我忍~忍~忍~~，等到我問Phillip, 佢就答我話唔得，佢驚有乜事要佢負責喎，我好鬼嬲，點解唔幫我諗o下有冇其他同事可以幫手，點解月頭o個時將我同Sandy一齊調左去匯款部幫手，得Margaret一個坐o係reception都可以，而家又唔比我放呀？

今晚約左亞四去睇eason，放工飛奔返小西灣食左個tea當晚飯，跟住去睇埋鐵打，立即走去搭巴士去紅館，上車時都有講左一個電話，跟住睇書，落車時諗住打比亞四話比佢聽我到左，點知唔見左手提，我已經立即衝番上車搵，但係已經連影都唔見，我即刻跑去火車總站打電話比自己，當然冇人聽啦，唯有cut左條電話線先，叫左亞四自己入場，我去左出番slim card先， 諗住睇o下邊間舖頭o的電話平o的，結果兜兜轉轉，由尖沙咀搵到旺角，最後都係去返one2free先出到，咁就唔見左二千幾蚊，又睇唔到concert，當時已經10點半，我覺得自己不宜再留o係條街，都係返屋企先，費時一陣唔知重有乜事會發生~~

亞四，妳又唔肯收我錢，我又陪唔到妳睇，唔好意思呀~~~

芝娃娃變左班點狗

我呢份工o既上一任亞Ann係因為要同老公及兩隻芝娃娃一齊移民過夏威夷先resign，今日佢突然上o黎探我o地，先知佢頂唔順o個邊超悶生活要全家回流香港，諗到都大工程啦，肯定蝕左好多錢，佢就晒黑左，但係佢o的狗就變左班點狗，乜原來狗都唔可以因為晒太多太陽而出班喎，唔知駛唔駛做番o的美白療程，唔好笑呀，我今日先知佢移民前專登請一個工人負責揍住兩隻寶貝狗，所以今次佢返o黎第一件事就係請工人，亞四，原來妳媽咪都未係最犀利呀，做狗好過做人呀~~~~~~~

巧遇貓貓

今日上晝不停咁約緊文文晚飯o既廖太，打過比貓貓，放工後我朋友亞貴捉我去小西灣富欣花園一間日本餐廳，開左成年我都未去過，點知一入去就見到貓貓同佢老公，真係約都冇咁矯，估唔到間餐廳o的價錢都幾平，o的o野食都幾新鮮，下次又多個好地方去喇~~~

原來深圳都有平靚正海鮮食o架

星期五晚同Julie Hui, Julie's Mamy, Carmen又係上去做推油按摩, 先按腳底，再食免費宵夜buffet，平時只係有粥粉麵飯菜，今次居然重有炒蜆，同紫心蕃薯，跟住按到四點幾先訓，星期六起身食完早餐之後，陪Julie & Carmen 去駁髮，因為之前幾次試左唔同舖頭都攪到唔開心收場，所以今次我企足個幾鐘全程監察，難得今次係開開心心咁走，跟住去左新書城行，行左冇耐就要會合埋Julie's daddy, mammy 同埋兒甥仔去樂園街食飯，原來o個條街好鬼旺o架，Julie's daddy帶我o地去o個間叫"華盛"，係成條街最多人o個間舖頭，除左相連兩個大舖位之外，連入面一個大停車場都開滿晒臺，舖頭出面放滿魚缸，好多海鮮，但係我冇辦法睇清楚，因為企去魚缸前面超過4重人，企到出馬路，我o地叫左白灼蝦，椒鹽賴尿蝦，炒聖子，原隻焗蠔，鐵板大魚頭，炒大腸，炒西洋菜，炒唐"O"菜，同埋黑胡椒豬肚湯，埋單先$220-，即係每人三十幾，又平又新鮮又好味，諗起都想再去呀~~

北海道手信

Irene同萬人迷哥哥新年去左北海道玩，返o黎送左呢o的手信比我，除左攖花味KitKat，其他全部都未見過，當然，我最鍾意就係紫色松鼠Hello Kitty電話繩，條尾會郁o架~~~

做推油按摩

今朝約左Julie Hui 同埋佢朋友Carmen上去深圳做按摩，佢o地上次試過叫按摩師做推油，之後竟然瘦到臉，腰同埋大腿，重keep到一段時間，咁我咪跟佢o地試o下囉，原來係咁鬼舒服o既，我個胃腩都比佢按到扁o西，後尾覺得按兩個鐘唔夠，加多一個鐘，之後就狂去小便 (因為按摩師話按完之後要飲多o的水排毒)，沖完涼之後覺得連條牛仔褲都鬆左，好開心，真係有時間要上多o的去按摩先得~~

發左新年財~~

年初六放左工約左CMG同事去海怡同舊老版Chester食飯兼拜年，因為佢o地o個日重係放假，所以下晝已經開始玩，我o地食完飯再上去，我比佢o地拉我坐低打麻雀，重要打現金，我就羅o西我成個銀包o個$320-出o黎，頭兩舖已經要輸左百幾蚊，點知第三舖開始就係咁食餬，打左四圈佢o地就話唔打喇，我原來贏左成咋10蚊同20蚊，加埋成五百幾蚊，發左個少少新年財，連我舊老板娘Windy都話我少有喎，年年都係我輸錢，今年可以有得贏，希望今年輓運情會好o的啦~~~