見到咁耐但係唔可以嗌係好難頂o架~~~

2月18日星期六9點幾已入到機場，居然冇人霸欄杆位，咁我梗係搵番個好位企啦，點知突然見到我公司o既同事跑過o黎同我講話"乜妳都係粉絲呀，點解咁耐都未見過我o既？" 未見過我？？？我當然答佢"大家千祈唔好篤爆大家呀~~~"；到見到亞旭時已經有二百個fans，佢好好笑容，重要著住見deep v比我o地睇，不過乜到睇唔到囉~~~ 佢好快就上到車就喇。

跟住我同Suki, Sam 同Moly搭的士去apm，地下同一樓已經冇位，我同Moly上到2樓搵到個又望到大電視有望到臺o既位，立即霸住先，但會合埋Gloria, Julie Hui, Ruby, 等人，我就跟左萬人迷入左記者區坐低扮文字記者，原來有14個花藍送比亞旭，加埋其他o既總共有二十幾個花藍，重有記者區企滿o西中港臺日o既記者，加埋凳差連針都插唔入，等到傻左先等到F4出場，7層樓過千fans一齊叫，我都好想叫呀，但係要忍住囉，等到做訪問時我跟住文字記者入左房等佢o地，不過要分開兩間房，亞旭同亞van一齊，咁我梗係跟住入去等啦，間房又細又焗，佢o地兩個入到o黎即係比班記者圍實，工作人員忍唔住叫佢o地行開少少比佢o地透氣，跟住佢o地問問題時細聲到乜都聽唔到，點知佢o地兩個又係答到鬼死咁細聲，我唯有係咁扮寫字，大約5分鐘到就要佢o地同亞仔亞ken對調間房，梗係照跟啦，終於可以望清楚o的同埋聽多o的佢o地o既答問，但係我比Fenny望左一眼，好驚，而亞旭好似知道我係紛絲咁，完全冇望過我，到走時我都唔敢叫佢，跟住到日本記者入去，我只好出去等，知道佢會o係邊度走，我同Julie o地就走落去，終於可以好大聲咁叫JERRY叫番夠本~~~~