識講"好" o既超可愛狗仔~~~

Daisy and Moly Birthday Dinner (13-12-2007)

好耐都無同廖太一齊食飯喇，雖然得7個人，但係每次都好開心，兼笑到標眼水~~

DAISY, MOLY,
HAPPY BIRTHDAY~~~~~~~

Wendy Birthday Dinner (12-12-2007)

因為Wendy生日o個日唔o係香港，所以要等到佢返o黎先同佢補祝，但係約得太趕，所以得我o地幾個，難得上次去日本做o野識到o既 Sam (日本導遊) 都出o黎，結果我o地去左天樂里o既Neway食K-buffet, 但係今次好難得有兩個日本通o係度，居然可以唱到日本歌，仲要唱左好多首，唱到無乜點食o野，好開心呀~~~

尖沙咀燈飾 (07-12-2007)

跟住由海港城經星光大道行過去尖東，結果係只影到幾張相，估唔到話經濟好左，但係o的燈飾又少又肉酸，其他o個o的真係唔想影，原來最靚都係海港城，唔怪得成日都咁多人啦~~

海港城裝飾 (07-12-2007)

星期六約左蚊蚊同佢朋友一齊去尖沙咀影燈飾，第1站去左海港城，好多人呀~~~

RITZ CARLTON (06-12-2007)

今日o係公司個pantry到已經望到麗嘉個泳池o係度set緊o野，諗住八o下打比 fiona，點知佢話係公司尊登開呢個cocktail請o的酒店o既客人o黎，仲叫埋我帶1個朋友o黎，本來諗住去剪頭髮，點知搵唔到個師父，咁我就捉埋Natalie陪我去，因為個cocktail要7點先開始，還掂未夠鐘，我同Natalie 走左去H&M 行o下，點知比我見到阮經天企左o係門口，開頭我仲認錯左佢係彭宇晏，好彩無走埋去叫佢，諗住叫佢影番張相，點知轉o下頭佢走左添，激死~~~

後尾走番過麗嘉，fiona接我o地入去，嘩~~ o的人著到咁grand，我o地就著到好似靚妹仔咁，唔理咁多，fiona帶我o地去攞o野食，無諗過cocktail入面會有鵝肝，生蠔，燒牛肉，龍蝦, 甜品, .... o個個煎鵝肝，真係好味到唔識講，而且仲要好大塊，外面煎到少少燶, 但係一入口就溶，o的感覺實在唔知點講好，忍唔住都食左3舊，仲有其他o野，我驚我聽日會爆血管呀~~~

仔仔簽名會(01-12-2007)

因為我o既原因，令到我公司o既同事兼死黨Natalie中左仔仔毒，講明叫我有仔仔o既香港function帶埋佢出o黎，既然今次仔仔o係香港o既簽名會，點可以唔同佢o黎呀，連Daisy都同我o地一齊去，但係無諗過竟然由籃田掃到去觀塘都買唔到碟，仲諗住可以平o的，結果都係要去番apm先買到；好彩朋友幫忙，我o地唔駛排隊入左去VIP區，仲要坐埋第一行，所以睇得好清楚，仔仔做完媒體訪問，就出o黎唱左3隻歌，跟住就開始簽名會，由於我o地係VIP, 可以比排隊o既fans早o的上台簽名，就係因為咁，我o地先可以叫到仔仔寫埋我o地個名上去 (奶奶，我交到功課喇~~~)，仔仔真係nice左好多，慢慢簽名，肯同我o地傾幾句，仲要主動同每個人握手，不過Daisy唔知道可以握手就落左台，有o的可惜，跟住我o地走左上Food Court, 搵到張近住欄邊o既枱坐，可以好清楚咁望到仔仔，又可以睇到大電視，所以我o地睇到完場先走，今次真係好舒服，見到個個fans都可以同佢講o野同握手，又唔駛比o的食焦拉走，真係唔錯，不過今時今日，無諗過咁少fans，仲少過vanness上次個簽名會，睇o黎......大S真係累人不淺~~~



我不是F4 / 愛妳恨妳




MISSING YOU