打邊爐

尋晚同奶奶，丁丁，亞四去稻香打邊爐，6點2已經到左，後尾Moly join埋我o地，結果10點幾先走，但係今晚o的o野食好似差左，連o的大閘蟹都冇星期二o係迎囍食o個o的咁大隻同埋咁肥，不過我早到，所以可以坐到卡位，原來都幾舒服，下次再去都係揀番卡位坐好o的~~

SMS

前晚12點幾手機o既"訊息提示"響起，原來係奶奶通知我尋晚食飯地點，咁我咪回返訊息比奶奶話我已經知道，再加左個手機入面o既動畫公仔比佢，點知奶奶收到之後覺得好得意，再send返訊息比我問我o係邊度搵到，就係咁send o黎 send 去，終於忍唔住send訊息比奶奶叫佢打電話比我，我o地一共send左8個訊息呀~~ (我手提o既"訊息提示"響聲係"叮噹"，就係咁成晚"叮噹"，"叮噹"，"叮噹"喇~~)

好唔開心~~

早兩日收到一個電話，係我做保險時第一次做ROAD SHOW識o既客人，亦都係第一個我完全唔識o既人同我買保險o既客，一個做廚師o既肥仔，佢供左年幾已經斷左保，不過大家都由唔識變左做好朋友，耐唔耐都會出o黎食o下飯，飲o下o野，有時佢老版叫佢煲左o的好o野，佢都會"羅"比我飲，今年佢轉左工後少左聯絡，所以我一時都認唔到佢把聲，聽落都覺得有o的唔對路，點知佢話比我聽佢中左風，已經有半年，而且唔記得我電話，剛剛先記起就打電話比我，佢而家重住o係醫院，咁我咪約左今晚去探佢囉。

我做左咁耐保險，都唔知有間黃大仙醫院，比明愛更殘，當我上到去見到佢o既時間，我完全唔認得佢，佢話比我聽中風o個日佢放工返屋企沖完涼坐低o個時突然覺得頭暈，跟住就成個跌左落地，好彩佢個手提o係佢身邊，立即call佢屋企人報警，跟住就昏迷左，到佢醒番時已經個半月後，醫生話佢救佢o個時已經冇左呼吸，要o係喉嚨開窿幫助呼吸，左邊身癱瘓，完全冇知覺，右邊頭蓋骨切走左做手術，暫時寄存o係廣華，所以佢右邊頭凹左入去，而佢瘦左70幾磅，醫生同佢講最少要兩年先可以有機會有番知覺，不過醫院要佢下星期出院，或者轉去老人院住，佢媽咪都o係最近中左風，為左唔想佢擔心，佢屋企人一路呃佢媽咪話佢返左上大陸做工，我都唔知佢點樣可以繼續呃多兩年，我見到佢咁樣，都唔知講乜好，佢得o個30歲，又完全冇買保險，我驚再留耐o的我會喊，所以我話好"支力"先，佢轉左院就call我，到時再去探佢。

其實呢排自己都好唔開心，探完佢之後就覺得"今日唔知聽日事"，都係唔好諗咁多，最緊要身體健康~~~~

奶奶送比我o既手信

今晚因寶寶生日，約埋奶奶，亞二，亞四，Moly, Jacqueline一齊去迎囍食飯，最主要係食大閘蟹，估唔到奶奶上次去日本買左呢隻蟹比我~~








係唔係好真呢，原來呢個係蟹形明信片o黎o架，真係好似o架，奶奶，多謝o西呀~~~~

我都好"支力"o架~~

我都比媽咪捉左去洗白白，好彩我係短毛狗，唔駛剪毛，頭先"莎莎"比媽咪捉住剪毛都剪左成個鐘呀，幾慘呀~~~





不過我都好"支力"，邊得閒玩呀!!!









唔~~~~ 睡魔急call喇，8~~8~~~~~

莎莎

妳o地估o下我係乜o野狗？










叫我"莎莎"啦，我係"史納沙"，亦係"DD"個家姊呀，剛比媽咪捉住o黎剪毛兼沖涼，係唔係好靚女呢？






不過而家好"支力"，要訓陣先，下次再傾，唔係一陣比"DD"捉住o黎玩我就冇得訓喇，886~~~~~

邊個將我畫成咁o架？

係朋友send比我o架，好鬼好笑呀~~~

終於post到歌做背景喇~~~

真係唔該o西亞四同丁丁，我想問亞細可以一次過post多幾隻歌嗎？

一張好靚o既亞旭素描

我o係寧論搵到o架，真係畫得好靚呀~~~

流感針後遺症

尋日起身返工等巴士o個時已經想嘔又暈暈o地，上左巴士又冇位坐，捉住扶手死頂，係咁標汗，頂到返公司已經好辛苦，想羅病假，但係聽口風驚老細唔鍾意，唯有死頂，坐o係reception 係咁"舂"眼訓，又勁胃痛，拍左兩粒胃藥，頂到lunch出去食左碗河粉，先覺得好少少，點知返到去公司坐一陣又o黎，而且由頭暈變左頭痛，開始慶慶o地，諗o黎諗去都唔明點解，後尾先有同事話可能係支流感針o的後遺症，因為我另外一個同事o係前日燒到起唔到床，唔係卦~~~ 打左支針3日後先發作，我食完飯返到屋企沖完涼就立即訓，訓到今日3點先起身，好彩已經冇事咋，真羅命~~~~

楊丞琳-理想情人完整版MV

楊丞琳-理想情人完整版MV
http://gobby35.myweb.hinet.net/mv.wmv

這是朋友send比我o架，隻歌就麻麻o地，不過個mv拍得幾浪漫~~

草蜢我們的演唱會(相)

呢個係o係我o地坐o個個位望落去o既細台仔~~













成晚最特別就係呢幾條吊起左o既梯~~

《草蜢我們的演唱會》

今晚我同Jacqueline同埋佢個朋友睇草蜢，除左幾排$400 o既位冇人坐之外，差唔多全爆，而且氣氛都幾好，我覺得成晚最受歡迎o個個係蘇志威，而蔡一傑就太姣喇，蔡一智今晚冇咁樣衰，佢o地唱左好多舊歌，同跳左好多都幾快節奏o既舞，兩樣o既表現都唔錯，但係估唔到冇嘉賓，最估唔到o既係佢o地唱其中一隻歌時，蔡一傑竟然同蘇志威”打車輪”，而蔡一智就比兩個除淨條under同只係用手遮住兩點o既女dancer攬住，估唔到咁激，睇到我o地眼到凸埋，睇o下聽日o既報紙點講就知o架喇~~~

同亞細食飯

今晚約左好耐冇見o既亞細o係都會商場food court食飯，亞細靚左又瘦左呀!!!!

我今晚叫左個咖哩雞連薄餅，好好味呀，原來呢度有咁多o野食，下次睇concert之前就多好多選擇喇~~~~

今日我覺得自己似返學多過似返工~~

今朝返到公司就比人"的"左上房打流感針，原來支針好細支咋，不過個姑娘o的手勢就真係麻麻o地喇，好彩我唔怕打針，打完重要送支滴露沖涼液，之後返去reception做o野，隻手就越o黎越痺，差唔多放工先好o的，跟住又話走火警，要走出條街集合，有消防員解說，重要試用滅火筒，攪左差唔多半個鐘先放到工，今日真係充實喇~~~

一隻好靚o既馬

今日我同二家姐o係跑馬地行出銅鑼灣時經過舊新華社附近有呢隻好靚o既馬，好似係瓷器做o架~~~

紫色file

睇o下亞旭”羅”住我個紫色file o既相







13102005接機















14102005送機

超級黑仔日

星期五o個日唔知係唔係食左"臭臭"，一返工黑到去機場~~~話說o個日教我做o野個E同事放假，幫我頂更個A同事比老細點左佢去做第二樣o野，成日得我一個坐o係reception，點知鬼死咁忙，有個客o既人事部經理(平時係一個OA o黎送件o架，好鬼熟o架喇，o個日佢剛剛放假呀)o黎o個時我唔記得通知入面o的同事有冇文件比o個間公司，o個個人走左我先記得，我已經立即打電話入去比另一個教我做o野o既S同事自首兼問應該點做，佢話CALL番個客叫佢o地返轉頭"羅"，好彩個客10分鐘之後就返轉頭"羅"文件，之後我再去我個亞head同佢報定案先，所以都冇事，點知後尾S同事又走o黎問我另外一間公司個OAo黎o個時有冇通知佢o地比文件o個間公司，我記得有通知佢o地，佢話o的同事話冇，跟住佢重續個同事問一次"妳o地有冇聽個Annie通知呀"，當然個個都話冇，佢未問o西我已經同S同事講"算啦，當我記錯啦，就當我冇通知啦~~"，點知佢重要繼續問，我好嬲囉，我明明有打電話通知佢o地，連A同事都聽到我叫，咁妳o地話冇聽過我電話我都冇法o架，我都認左佢算o架啦，重想點？點解重要問人，好似想攪大件事兼以為我卸膊咁，後來我亞head叫我下次小心o的，不過佢都話好難怪我做錯，因為今日咁忙都冇人可以幫到我，叫我算啦，我唯有頂住到氣放工囉~~

跟住趕入機場，食o的o野等Julie 到左之後寫埋封信，點知我個袋o既拉鍊扣都整爛左，我個新o既melody小包包都跌鬼埋，我見自己咁黑，都係唔好寫信喇，叫Julie自己一個比就算啦，後尾知道連烈火戰車都跟錯左亞旭o架車，咁即係估唔到亞旭會o係南閘定係北閘出現，我o地唯有o係中間位等佢，結果佢係o係南閘出現，因為好少粉絲o係南閘等佢，結果我跑到o個時佢已經入左閘，好彩Julie醒目搭左個台灣遊客幫我o地比左封信比亞旭，如果唔係實激死，我只係睇到佢o的頭髮咋，不過今晚發現兩張相都見到佢接機同送機都有"羅"住我o地送比佢o既file，都有o的安慰，希望下星期唔好再咁黑啦~~~~~

我隻芝娃娃~~~

我係唔係好得意呀，叫我"D D"啦!!!

1013接機相(E)

ORAL-B預備比亞旭坐o既車

妳o地睇o下Fanny姐幾惡~~~

1013接機相(D)

妳o地想像到現場有幾混亂啦~~

1013接機相(C)

亞四，妳睇到佢頂帽係乜o野牌子嗎？

1013接機相(B)

妳o地睇o下亞旭隻綠色公仔幾得意~~

1013接機相(A)

呢o的相係Julieo係好辛苦o既情況下影o架，唔該o西呀~~~

亞旭拿著我個紫色FILE呀

1310接機記

今晚約左亞四同Moly一齊入機場，食完飯會合埋Julie, Suki, Sam, Rene等等一齊等亞旭，由於現場唔見有"黑衣食蕉"，好擔心佢會好似上次咁行A閘，因為Suki剛做完手術，唔可以跑，所以經商量後亞四同Moly行去B閘，我o地就o係近A閘o個邊個電視等，等等o下Suki收到電話話會o係B閘出o黎，所以我o地百幾人跑過去，點知去到又話會o係番A閘出，跟住二百幾人跑返過A閘，差o的冇命呀，由於好多粉絲，但係得o個6個普保安，跟本保護唔到亞旭，我有一個FILE想比佢，但係因為太多人，我比唔到佢，好彩Julie比到佢，中途我被逼左入去人堆，好近距離咁叫佢一聲"JERRY", 我見到佢望左我一眼，嘴角少少郁，我都好開心o架喇，跟住我跑去佢將會上o個o架車影低左個車牌號碼，再企o係車門側邊等佢上車，當佢到達時，轉身再同我o地揮手及byebye後先上車，好正呀，佢由閘口到上車差唔多行左15分鐘，亂到不得了，後來我走返去搵亞四，Moly同Suki都冇追過o黎，所以見唔到亞旭，我覺得好唔好意思呀，好彩Sam都影到o的dv比返佢o地睇，跟住我o地就返屋企喇~~

我o係東門發現o既舖頭















我o既戰利品~~~

深圳兩日行

星期六下晝約左Julie, Julie媽咪，Julie好友Carmen一行四人上深圳，搭地鐵去老街站(即係東門)，由於冇食過o野，到步後立即搵左間茶餐廳食o野，叫左兩碟炸兩，三個粥(用瓦煲載住)，一碟菜，一碟淨腸粉，一碟油菜，一個榨菜肉絲湯，四個人都係五十幾蚊，已經飽o下，跟住陪Julie媽咪去批發時裝o既地方入貨，再搭的士去一個叫新書城o既地方睇書，好大o架，有成五層樓係賣書，好多人都o係度打書釘，好鬼有誠品feel o架，而且重有免費寄存行李服務，好方便，跟住大家各自搵書，我搵到候佩岑大陸版寫真，有亞旭o個部分係同本書一樣size，而且係光面，但係都要成三十蚊本，我差o的忍唔住手買，後尾只係買左幾本學日文o既書同字典，重有一本有好多靚靚芝娃娃相o既書，總數都係六十幾蚊，行到九點幾，Julie帶我o地去佢屋企人成日去o既地方打邊爐，九點後每位18蚊人民幣，湯底20蚊人民幣，菜蜜任飲，我o地叫左肥牛，魚餃，鮮雞件，豬肝，魚片，魚蛋，炸腐竹，油麥菜，菠菜，西生菜，唐生菜，蓮藕片，南瓜片，粉絲，芋絲，大豆牙，豆腐，o的材料勁新鮮，因為總數過左五十蚊，再送多一個小菜，我o地揀左一個椒絲肉片，o的椒絲多到差o的見唔到o的肉絲，又惹味，再送埋生果，飽到差o的嘔，埋單101人民幣，跟住先行過對面佳寧娜"瘩"骨，成四點幾先訓。到星期日朝十一點幾起身，Julie拉左我o地去國貿站o既鼎泰豐食o野，環境都幾靚，我o地都有叫小籠包，醉雞，擔擔麵，陽春麵，窩貼，菜肉餃，炸雞飯，味道都唔錯，當然冇台灣咁正啦，不過都係食左百二蚊到，算抵食o架喇，跟住再行過去東門(原來咁近o既，下次唔駛再搭一個站地鐵喇)，我去左mc cafe坐低等佢o地三個再去入貨，睇左一陣間書就跟佢o地經皇崗返香港，好鬼"支力"呀~~~~

Patsy生日晚宴

尋晚我約左Patsy, Julie, Li, Ruby去潮樓食飯，因為今日Patsy生日，而且大家都好耐冇一齊坐低傾計，所以好開心，我o地重要同壽星女食完生日蛋糕先開始食晚飯，我都係第一次，不過個蛋糕真係幾好味，今晚o的o野好好食，叫左海蜇，鴨腎，咕嚕肉，蠔餅，油泡帶子，魯水拼盆，石榴包，黑胡椒豬肚湯，重有一個唔記得叫乜名o既芋頭甜品，全部都好好味，連咕嚕肉都咁好味，真係估唔到，後尾Jacqueline放工都趕到過o黎傾多一陣先走，大家都好懷念舊年o係台灣o既日子，希望快o的可以再去多一次!!!

亞拉斯加蟹腳 = 天婦羅

今晚我約左奶奶，老大，老二，老四，丁丁同埋dayday去新世紀食buffet，因為主要係食蟹o既關係，我6點9已經去到，見到人o地已經食緊亞拉斯加蟹腳，我就即刻出去"羅"，但係唔見有，咪"羅"住o的凍花蟹，三文刺身，salad食住先，然後再問問個waitress o的蟹腳可以o係邊度"羅"，佢話7點會出第二次，咁我咪7點再出去"羅"囉，不過只係見到加菲蟹蓋，唔理咁多，"羅"埋返位食埋先算，但係再"羅"多幾次都唔見有，咪再問個waitress囉，點知佢叫埋個captain過o黎，話只有o的天婦羅先有蟹腳喎，唔係呀~~~~，咁唯有"羅"o的亞拉斯加天婦羅蟹腳同埋o的軟殼蟹天婦羅食囉，跟住重係咁食凍花蟹，點可以蝕底o架，後尾飽到我連雪糕都食唔落呀~~~

後來奶奶重送左佢o係日本買比我o既蟹頭HELLO KITTY電話繩，好得意呀，多謝o西奶奶呀~~~~

Buffet相

高師奶？？？

尋晚同亞四唱完K返到屋企已經好夜，訓落床已經四點，點知六點就比人嘈醒，"支力"到我傻，返到公司做完一輪o野o係度"發毆竇"之際，電話係咁震，我咪聽電話囉，

對方一開口就講"唔該哥斯拉呀" o下~~~~ 我幾時變左暴龍o架？原來佢搵高師奶，比佢激死呀!!

後尾同JULIE講開電話，佢話妳唔係叫廖七太o羊？o個個人冇講錯喎 ! !

廖七太 = 暴龍嫂 = 哥斯拉 ~~~~

o我~~~ 明白o西 !!!!

亞四同亞七去唱K

今日本來都幾"支力"，因為星期一係特別忙，再加埋今日係一個月o既第一日返工，所以放工要留低OT摺STATEMENT，諗住必定悶死o個時，亞四就call我話去唱k好唔好喎，梗係好啦，"嫘"飯應添呀，點知放早左，又肚餓，又"支力"，一條冷走左去義順飲木瓜奶頂o下肚先，行左一陣先去neway會合亞四，neway比左間中人房比我o地兩個，相當舒服，而且個dinner都唔錯，而亞四就唔停口咁唱，有o的歌我o地重要唱兩次，o的人梗係以為我o地傻傻o地，由9點唱到12點9，唱到口到乾，今晚都算係咁喇，多謝o西亞四呀~~~~~

比仔仔o的新聞嚇死

話說我星期五晚放左工同朋友上左深圳"瘩"骨，原本已經好鬼"支力"，睇緊鳳凰衛視話大S會o係佢生日o個日宣佈同仔仔結婚，嚇到我叫左出o黎兼成個人彈起身衝埋個電視前面，幫我"瘩"骨個師傅以為我痴左線，我個朋友都比我嚇親，諗起都有o的過意唔去添，希望呢個新聞永遠唔會出現~~~