Hello Kitty & King Kong

星期三約左Julie Hui去葵芳新都會諗住睇"如果.愛"，結果臨時轉呔睇"King Kong" ，買完飛之後去左食o野先，跟住行左一陣，見到一間糖果店好多得意o野賣，結果比我發現到丁丁上次show出o黎o個個迷你袋仔，忍唔住買左，原來真係迷你得咁緊要，再比我見到有個小飾物係有黑白波點，我點可以唔買呀，真係好鬼得意呀!

之後去睇戲，成3粒幾鐘，都幾好睇，但係我覺得好似睇緊King Kong + 侏羅紀公園+ 恐怖探險片 + 千與千尋，夠o西多完化，睇完就明白o架喇~~~~

P.S. 個女主角好似妮歌潔曼，幾靚女~~

港灣聖誕聯歡(20-12-2005)-02

o個晚jerrygarden得我同埋Moly出席，估唔到咁認真，我以為去左公司o既聯歡晚宴，一去到已經播緊Oral-B o係泰國見面會o既碟，好鬼大頭，而每位出席o既fans都有上圖o個兩款生日卡及年曆同埋一張圖，全部都係自製o既，我就揀左上面o個張寫左比Jerry, 希望大家睇到o的字啦，後尾食完飯之後，每個fans羅住已經寫好o既生日卡上臺放入收集箱，然後錄影低想同Jerry講o既說話，每人都有十幾妙，再錄低全部人一齊對佢唱生日歌，之後重有抽獎，當然o的獎品全部都係Jerry o既o野啦，不過我o地兩個都抽唔到，玩到成11點幾先走，都算幾開心o架喇 (除左o的o野食真係唔係好掂之外)~~~~

港灣聖誕聯歡(20-12-2005)-01

WTO

星期四前一早已經被通知會有人o黎我o地公司門口示威，所以個朝保安同高層都好緊張，將o係counter出面o既臺，電話，tray，遮o既stand，意見箱~~~~等等o既物件全部搬入office入面，再叫多一個保安standbyo係門口，另外再pratice o下萬一有人衝入o黎，要點樣第一時間落閘，結果係o個班約只有四十人o既泰國人，坐車o黎到，o係我o地公司門口企好及拉好banner之後再比記者影完相，就搭番車走喇，前後不過十分鐘，我就就左入cable房影低左o的相，睇o下佢o地幾和平~~~~~~~~~~~

ANNUAL DINNER o既相

從來未試過食完annual dinner之後，公司會每人派一隻光碟，係o個晚全部o既相，真係估佢唔到~~~~

OT ＋ 病左～～～

因為公司將要完成合併程序同埋要趕及年尾搬過新公司，在加埋預防WTO期間o既突發事件，唔單止要返早半個鐘，連我呢個無關重要o既人都要開OT, 重要o係星期六都走唔甩要返全日，跟住重要比我亞head 的左去葵芳行街，跟住亞Li又話要請我食飯，結果食完飯再行到成11點幾先開始返屋企，諗住星期日休息番應該冇問題，但係尋晚開始喉嚨痛，今朝返到公司開始流鼻水，重要係不受控制o個隻，拍左幾次必理痛o既傷風感冒丸都冇用，仍然止唔到，好辛苦頂到放工飛返去屋企樓下睇醫生，佢除左開o的感冒藥比我之外，重有一隻藥膏係搽o係鼻頭兩側，可以止鼻水喎，咁神奇~~~~~~~？？

繼續好運~~

今晚同亞二及亞四去左澳門茶餐廳食飯，之後諗住去試o下銅鑼灣一期新開o個間Starbucks飲o野，因為冇位，所以就行左出去o的boutique，無意中比我發現上次我勁鍾意o個件PLAYBOY珠片衛衣，只係得番一件中碼，重唔駛用DBS o既card都有7折，即係買左佢，跟住飲完o野之後繼續同亞二行街，又比我買到隻手$170- o既正版HELLO KITTY手錶，連個錶盒都咁靚，今晚真係收穫豐富喇~~~~~~~~~

今晚幾好運~~

今晚係UFJ o既Annual Dinner, o係大會堂美心食，一放工就比同事拉左去打麻雀，有幾十蚊贏，都幾開心，後尾開席時有成30圍，我係第一次同咁多日本人食飯，因為這是UFJ最後一次Annual Dinner，o的同事都好high，因為食第3道菜已經開始抽獎，獎品全部都係吉之島禮券，居然比我抽到$500-，不過聽同事講舊年冇咁多個獎，我o地Bills Dept舊年好似得2個同事抽到，而今晚我o地有10個同事抽到，不過最奇o既係我o地個Department有2個Annie, 2個Natalie, 全部都抽到，而且其中一個Natalie係抽到2獎，有成$2000-，我個manager好開心~~~

聽講o的日本人玩得好癲，佢o地話舊年有一個玩到連底褲都比同事除低左，所以我都好驚，好彩今晚有新公司o既老板o係度，所以冇咁癲，只係不停咁飲酒，見冇乜o野玩，我就走先喇~~~




呢個係我o地o既temp同事，連佢o地都有得玩抽獎，呢間公司真係對員工唔錯~~

UFJ 舊 Office

呢兩日掛住post言生o的新聞，都冇update過自己個blog，見到亞四影低舊office o既相，提醒左我都要影番兩張留念o下先~~~~~

國貿Starbucks

終於用到張Starbucks o既贈飲券喇，呢間Starbucks 係o係國貿地鐵站o個個商場o既分店o黎o架，當我見到呢隻杯，一定要影番張相比亞四睇，其實隻杯入面放滿咖啡豆o架~~

東門S&K

大陸行

前晚突然想上大陸按摩，尋日返工試o下請假，點知又肯批，放工返屋企換衫等埋亞貴(我同老公個死黨)一齊上去，先去食超平打邊爐，o的菜同魚頭雲好鬼新鮮，再去按摩，成4點先訓，今朝11點幾起身食o野，跟住亞貴走先，我行完羅湖城，買左兩對boot，再去東門會合Julie同埋佢媽咪同佢o的朋友行街，high tea，再去打邊爐，相當充實，重搵到言生o的o野買添，但係點都冇諗過可以4日已經食左3餐打邊爐囉，妳o地暫時唔好大我喇，我短期內唔想再食喇~~~~~

我呢排同PLAYBOY無緣

我o係上星期同Jacqueline 行尖沙咀美麗華商場時，無意中發現一見好靚o既釘左Playboy頭公仔珠片衛衣，知道用DBS或聯迎card可以有7折，所以咪諗住問o下邊個有card先去買，點知當我搵到時，佢o地幫我查o西全部分店，竟然無o西貨，得番一件已經show到甩左成行珠片o既細碼，梗係唔會啦，咁諗住遲兩日先去崇光再搵；另外知道尖沙咀崇光今日會有超平Playboy飾物賣，一放工即刻過去搵，我未行到埋去個Playboy counter到，已經見到一大堆人，行到埋去想睇o下o的款，點知o的人成手羅住o的貨o係度商量點買好，o的sales又開唔切單，叫o個幾位姐姐可唔可以讓少少位比我行埋去睇o下，點知完全唔理我，等左3個字把鬼火唔等，因為約左廖太o地打邊爐，之後再去崇光再試o下搵唔搵到件衫，點知都係冇，連飾物個counter 都搵唔到，咁只好去買蟹囉 (我返到屋企已經忍唔住同我老公解決左隻蟹喇~~)















呢隻係我好彩買到o既一隻史迪仔電話繩，好得意呀~~~

Salon 老細隻狗

呢隻係我第一次見o既冇剪尾o既成年史立莎，好彩今日有佢同埋部電腦咋，因為我同埋JULIE，JACQUELINE都等左好耐先有得剪呀，剪得好嗎？？

智利皇帝蟹

多謝亞四通知我，今日我同Jacqueline做完gym飯都唔食住就走去崇光搵蟹，我o地都揀左好耐，跟住一人羅一隻走去比錢，如果唔係已經好肚餓，我一定會立即飛番屋企解決佢，結果我o地兩個走左去"合發"茶餐廳食o野。

我叫左o野食之後就左去買亞旭本書，返轉頭見到Jacqueline同一個坐o係隔離臺o既男人講o野，跟住佢話呢個人係o係台灣人，問我o地銅鑼灣有邊度重有好o野食喎，跟住就name card 我o地，又問我o地羅聯絡方法，我以為Jacqueline 比左電話號碼佢，所以我咪寫比佢囉，點知Jacqueline只係比左e-mail比佢咋~~~

百萬富翁問題

跟住我同Patsy, Julie Hui在許Neway唱K, 佢o地無聊時玩電腦見到呢條1000分o既題目，如果咁到答錯，我諗要去自殺喇~~~~

不過又真係幾好玩，玩到最高分都係得80000分咋~~~

老公生日兼結婚周年紀念

o係Wedding Expo做完o野打比老公問佢一齊食飯好唔好，點知佢話比我知佢已經食左，咁唯有應承媽咪陪佢去飲我弟婦個細佬o既結婚酒(o係合和擺)，其實都係諗住夠近咋，當見到march-in o既時候，又諗番起我o係14年前都係主角，唔知點解我唔係而家係陪緊媽咪唔係陪緊佢，好彩見到我好耐冇見o既姪女，難得o既係可以同埋我媽咪一齊影相，我o地3代一齊影相，似唔似樣呀？

Wedding Expo

上星期六應承左幫我朋友PEGGY新公司第一次做o既Wedding Expo做o野，去到會展見到佢o地個booth，嚇左我一跳，成兩層樓咁高，咁中式o既design，但係又唔覺得老土，都好掂o下，因為好多人初初見到都擔高頭望，跟住就問係o羊o野o黎o架，係唔係玩"塔羅牌"呀，後尾見到入面show出o黎o的花，就知道係做場地佈置，好多客都入o黎傾，應該都做成左幾單生意，另外有o的就約左上公司再傾，而其他酒店及酒樓，甚至對手都讚不絕口，希望佢間公司可以"一炮而紅"啦~~~

Danny Chan紀念郵票

上星期三同奶奶，丁丁，亞四去食k buffet之前，丁丁因為要搵巨星郵票，所以o係中環落左車去買，佢幫我買左陳百強o既郵票，但係我覺得好假，反而印在信封面o個個樣就好好多，好鬼懷念中學生o既日子；不過真係唔該o西丁丁~~~

又食宵夜BUFFET喇~~~~~~~~~

我o地港島區代表又o黎喇，今次多埋亞二男友，重要第一次見到"長崎涼美"，最唔好意思o既係食完要老爺o係屋企過o黎幫我o地埋單(因為有折)，不過今晚真係好飽呀~~~
(有冇發覺我o地三個都係著黑色衫o架!!)

亞二同埋男友o的相

睇o下亞二幾靚女~~~~~~

一張好靚o既亞旭wallpaper

呢張wallpaper o既相原本係東方日報o既專訪影o既，係買唔到o既相，估唔到有人可以整到wallpaper，真係好靚~~~~

巨形大閘蟹o係眼前飄過

三日前我返工搭巴士到站時，眼光光咁落車，突然有隻蟹o係眼前飄過，原來係的士頂o既大閘蟹模型廣告，"羅"唔切手機影低，終於等到今日食晏時見到兩o架的士經過，立即影低左，我覺得好鬼似囉，妳o地有冇見過呀？？？

打邊爐

尋晚同奶奶，丁丁，亞四去稻香打邊爐，6點2已經到左，後尾Moly join埋我o地，結果10點幾先走，但係今晚o的o野食好似差左，連o的大閘蟹都冇星期二o係迎囍食o個o的咁大隻同埋咁肥，不過我早到，所以可以坐到卡位，原來都幾舒服，下次再去都係揀番卡位坐好o的~~

SMS

前晚12點幾手機o既"訊息提示"響起，原來係奶奶通知我尋晚食飯地點，咁我咪回返訊息比奶奶話我已經知道，再加左個手機入面o既動畫公仔比佢，點知奶奶收到之後覺得好得意，再send返訊息比我問我o係邊度搵到，就係咁send o黎 send 去，終於忍唔住send訊息比奶奶叫佢打電話比我，我o地一共send左8個訊息呀~~ (我手提o既"訊息提示"響聲係"叮噹"，就係咁成晚"叮噹"，"叮噹"，"叮噹"喇~~)

好唔開心~~

早兩日收到一個電話，係我做保險時第一次做ROAD SHOW識o既客人，亦都係第一個我完全唔識o既人同我買保險o既客，一個做廚師o既肥仔，佢供左年幾已經斷左保，不過大家都由唔識變左做好朋友，耐唔耐都會出o黎食o下飯，飲o下o野，有時佢老版叫佢煲左o的好o野，佢都會"羅"比我飲，今年佢轉左工後少左聯絡，所以我一時都認唔到佢把聲，聽落都覺得有o的唔對路，點知佢話比我聽佢中左風，已經有半年，而且唔記得我電話，剛剛先記起就打電話比我，佢而家重住o係醫院，咁我咪約左今晚去探佢囉。

我做左咁耐保險，都唔知有間黃大仙醫院，比明愛更殘，當我上到去見到佢o既時間，我完全唔認得佢，佢話比我聽中風o個日佢放工返屋企沖完涼坐低o個時突然覺得頭暈，跟住就成個跌左落地，好彩佢個手提o係佢身邊，立即call佢屋企人報警，跟住就昏迷左，到佢醒番時已經個半月後，醫生話佢救佢o個時已經冇左呼吸，要o係喉嚨開窿幫助呼吸，左邊身癱瘓，完全冇知覺，右邊頭蓋骨切走左做手術，暫時寄存o係廣華，所以佢右邊頭凹左入去，而佢瘦左70幾磅，醫生同佢講最少要兩年先可以有機會有番知覺，不過醫院要佢下星期出院，或者轉去老人院住，佢媽咪都o係最近中左風，為左唔想佢擔心，佢屋企人一路呃佢媽咪話佢返左上大陸做工，我都唔知佢點樣可以繼續呃多兩年，我見到佢咁樣，都唔知講乜好，佢得o個30歲，又完全冇買保險，我驚再留耐o的我會喊，所以我話好"支力"先，佢轉左院就call我，到時再去探佢。

其實呢排自己都好唔開心，探完佢之後就覺得"今日唔知聽日事"，都係唔好諗咁多，最緊要身體健康~~~~

奶奶送比我o既手信

今晚因寶寶生日，約埋奶奶，亞二，亞四，Moly, Jacqueline一齊去迎囍食飯，最主要係食大閘蟹，估唔到奶奶上次去日本買左呢隻蟹比我~~








係唔係好真呢，原來呢個係蟹形明信片o黎o架，真係好似o架，奶奶，多謝o西呀~~~~